Geure en reuke

My reuksintuig is vir my uiters belangrik. Oor die algemeen is ek op al my sintuie ingestel, maar my neus is ekstra sensitief. Dié wat gereeld hier lees, sal agter kom dat reuke ook ‘n groot rol in my stories en gedigte speel.

Mense onderskat soms die krag van hierdie sensasie op die brein en herinneringe. Ek onthou reuke van my kinderjare, waar die prentjies al vervaag of verdwyn. As ek nou ‘n toneel uit my verlede herroep, kom die gepaardgaande geure daarmee saam.

Ek geniet dit om hiermee getoets te word. Op skool sou een van my vriende ‘n baadjie in die klas laat lê en ek sou weet aan wie dit behoort deur daaraan te ruik. My ouers vra my gereeld om die oorsprong van iets vrot uit te snuffel. Moet ek jou die verskil in reuk tussen ‘n dooie kat en rot verduidelik?

Sekere bekende reuke is vir my belaai met emosie. Daar is byvoorbeeld ‘n spesifieke bekende vroue deodorant spray wat my onmiddelik aantrek. Dit was een van my vorige liefdes se gunsteling en as ek dit ooit in ‘n publieke area ruik, gaan ek outomaties in hunt-mode. (Nee, ek gaan nie sê nie)

Wanneer ek ooit vir klere gaan shop, sal ek uit nuuskierigheid altyd verby die parfuum afdeling in winkels loop en aan die testers ruik. Dit is nie nodig om aan te spuit nie; ek kan reeds opmerk dat die reuk my sal irriteer na dit ‘n uur aan my vel hang. Dan is ek altyd verbaas oor die pryse van bekende reukwaters. Ek kan my nie indink hoe iemand soveel kan betaal vir ‘n botteltjie eau de toilette/parfum wat nie vir my lekker ruik nie. Is dit bloot omdat dit ‘n bekende naam is of kan mense net nie ruik hoe van die goed stink nie?

Daar is gewoonlik so een uit tien waarvan ek so bietjie hou, maar die kostes oortref meestal die gerief. Ek het nooit voorheen aftershave of cologne gekoop nie. Ek kan op my vingers tel hoeveel mans parfume al ‘n indruk op my gemaak het; wat ek beslis sal koop. Letterlik:
1) Die Switserse seun wat by ons kom bly het op ‘n koor toer 12 jaar terug. 2) My ou skeinat meneer 3) So onbekende ou wat een dag voor my geloop het op pad klas toe. 4) Een van my vriende se vriende by ‘n braai verlede jaar. Ek vergeet altyd om te vra wat hulle gebruik.

En toe, vir die eerste keer ooit, vind ek verlede week ‘n parfuum wat my laat omdraai het om weer daaraan te gaan ruik en selfs aan te spuit. Die volgende dag het ek wakker geword en dit gaan koop. Gelukkig het ek ‘n paar rand na my verjaarsdag gehad. Groot was my verrassing toe die produk die helfde minder kos as die meeste ander. Sowaar, die maatskappy probeer vir almal bekostigbaar wees- lees ek toe na ‘n Google Search.

Daar is ‘n ander kant aan ‘n sterk neus. Mense se geure kleef aan jou klere tot jy dit was. Jy weet ook dinge wat ander nie weet nie, maar ek is te skaam om dit te verduidelik.

Ek het ‘n groot wens: om in Grasse, Frankryk, te gaan leer hoe om parfuum te maak. Ongelukkig leer hulle hierdie kuns nie sommer aan vreemdelinge nie en die enigste skool kos omtrent R180 000 vir die internasionale kursus van twee jaar. Enige donasies?😆

7 Responses to Geure en reuke

  1. Say no more!!!

    Daar is ook sekere reuke wat my sintuie so ophol het, nie noodwendig oor dit ‘n memory trigger nie…

    1. Grond / Stof na die reën
    2. Sekere mans lekkerruik goete
    3. Die reuk van jou maat langs jou in bed wanneer julle wakker word… Sy / haar reuk (val baie in die te skaam om te verduidelik kategorie)
    4. Vars gesnyde gras
    5. Moerkoffie
    6.Chloor reuk sodra jy in die gym instap
    7. Babatjies ruik vrek lekker

  2. Knipoog sê:

    My neus kriewel ook vinnig van ‘n slegte reuk – die dat Manlief my Snifferdogtandjies noem (die tandjies gedeelte omdat ‘n familielid op hulle dorp ‘n tandarts was). Ek is egter nie so goed met die parfuumruikery nie – dit is Manlief se afdeling.

    Grasse – ek het nou die dag vir die eerste keer daarvan gelees toe ek in die omgewing was – het ongelukkig nie genoeg tyd gehad om daar aan te gaan nie.

    GVDS – nommer een is beslis my gunsteling saam met vars gesnyde gras en moerkoffie. Jy kan maar verby hou met nommer 7!!!

    • Ek kan nie wag vir die eerste lente reën nie… Dan kan ek buit op die gras loop en so met die nat word die stof reuk insasem!

      Die reuk van ‘n babatjie – dit seker net die babaprodukte dan waarvan ek hou.

  3. annderster sê:

    annderster is skaam oor niks! suiker, kan jy ruik as meisies menstrueer? my sussie sê sy kan met sommige vroue.
    urine ruik soms baie duidelik na tee, koffie, koring-gebaseerde kos. as mens te min geslaap het, ruik jou urine anders.

  4. flippiefanus sê:

    Interessant. My reuk sintuig is baie swak.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

%d bloggers like this: