Ek wil blog :(

September 26, 2009

Ek dink heeltyd aan goeie stories en gedigte, maar ek neem altyd lank om iets te skryf. Op die oomblik het ek nog toetse en take en kan ek nie die nodige aandag gee aan goeie inskrywings nie.

As julle besoekers met my wil praat, doen dit gerus. Ek kom loer nog gereeld in. Julle kan selfs vir my vrae vra, wat ek eerlik en op my tyd sal beantwoord.

Dankie vir die besoeke, selfs al gaan hier tans niks aan nie.


My koudbloedige maters

September 17, 2009

DSC01093b
Panther Chameleon (Furcifer pardalis)

DSC01095b
Bearded Dragons (Eintlik ‘n groot risiko om aan te hou, hulle kan ontsnap en die fynbos ekosisteem ontwrig)

DSC01104b
Yemen Desert Chameleon (Chamaeleo calyptratus)

DSC01101b
Madagascan plated lizard (Zonosaurus karstenii)

Al hierdie knape het ek by Butterfly World naby Stellenbosch afgeneem. Hulle is daar gerehabiliteer na smokkelaars hulle by die O.R. Tambo-lughawe verlaat het.


Ek en jy: die onvermydelike vraag.

September 17, 2009

Ek sit nou en dink
My sokkies is nat
My skoene is taai
My hare en klere,
Alles ruik na rook
Maar my hande, my
Hande ruik na room,
Parfuum- jou soort

Tot laat laas nag
Dans net ek en jy
Jy was aan my sy
Waarom so onseker
Onvermydelik nou
Staan hierdie vrae
Is ek jou vriend?
Of dalk iets meer

Hierdie tussenin
Lol met my brein
Ek is deurmekaar
Gee jou antwoord
Sonder dat ek vra
Ek ruik jou by my
So vertel my nou
Los jy hom vir my?


Hearts linked

September 12, 2009

hearts-linked

Ek is oor die algemeen nie ‘n fan van hartjies en sterretjies nie, maar hierdie prentjie het wel my aandag getrek.


Beauty

September 11, 2009

Along a path I hurried forth
And glimpsed at nameless passers-by.
My hand, stretched out to touch, did glide
Through hedges flowing by my side.

My fingers weaved through leaf and twig
With greetings from the fresh morn dew:
A thrill to feel its every drop-
When suddenly I came to stop.

More timely could I not have paused
And turned to watch my tangled hand,
As on my arm, I noticed odd,
A tiny gift from none but God.

It moved easily, undisturbed,
With fragile feet it felt and then
Placed careful steps without a sound
And curled its little tail around.

Its one eye fixed upon a bug
The other darted here then there.
Alive, harmless, danger-prone,
Its colours blended with my own

In exchange for having mercy,
This small creature showed me beauty,
Hidden from the unaware,
Is present almost everywhere.

verkleurmannetjie1234


Versteekte pêrels

September 10, 2009

My kamermaat en sy meisie het besluit om berg te gaan klim en terug te kom voor skemer. Hulle het my gevra om saam te kom en hierdie spontane initiatiewe leef ek mos voor. So, vinnig Spar toe vir ‘n pakkie droëwors, energade en ‘n 4-pack Peroni en daar gaat ons. Sommer so vanaf die hokkie velde by Coetzenburg het ons die voetpaadjie geneem om uiteindelik bo-op Stellenbosch berg te kom en daar uit te span.
Halfpad boontoe besluit ons sommer om ons eie pad te maak, omdat ons nie die regte een kon vind nie en na die Somer se brande is dit redelik oop geskroei. Eers bo uitgekom, soek ons toe ‘n plekkie waar die wind ons nie sal pla nie en waar ons rustig kan sit en kyk hoe die stad se liggies aangaan. Ons kry toe ‘n klomp rotse wat net reg gedraai is om die wind te keer en wat ‘n breë uitsig bied. Ek was besig om die biere uit te haal, toe ek hierdie klein kalant gewaar, nie vier meter van my af nie. rots met hasie

Dit was natuurlik ‘n groot verrassing vir ons wat net ‘n halfuurtjie weg van die beskawing wou gehad het. Ek het vir hom ‘n bier aangebied, maar hy het roerloos gesit en maak of ons hom nie sien nie. Ek het selfs vir hom ‘n klein stukkie droëwors op die klip gelos, want ‘n vegetariër moet net proe hoe lekker vleis smaak, dan is dit verby! Ons groet toe maar vir Ore en ek down die laaste bier, want dit het langer aangehou as wat ons verwag het. Aan die een kant was ons gelukkig, want kyk net hoe mooi was die uitsig. Uitsig

Aan die ander kant… wel, dit was donker, steil en ons pad terug was ‘n droë rivierloop met los klippe. Arme meisie was ook bietjie benoud met die stories van aanvalle wat in die aand gebeur teen daai einste berg, maar ek en roomie het ons borskaste uitgestoot en haar belowe ons sal hard terug baklei.

My eintlike punt is dat mens hierdie klein juweeltjies raaksien as jy ingestel is daarop. Ek werk nou aan ‘n gedig met dieselfde rymskema en metrum as ‘Peace‘. Dit sal sy suster-gedig wees en sal spesifiek gaan oor hierdie tipe dingetjies wat my asem wegslaan.


Wat is kaneelsuiker sonder ‘n pannekoek?

September 9, 2009

Hier volg ‘n maklike pannekoek resep vir 25 pannekoeke:

Et voilà! Crêpes à la cannelle

Et voilà! Crêpes à la cannelle

4 koppies meel
4 eiers
4 koppies water
1 koppie olie
¼ koppie asyn
1 teelepel sout
4 teelepels bakpoeier

Klits eiers en voeg ‘n bietjie water by. Voeg nou die olie en asyn by en dan die meel met sout en die res van die water. Die bakpoeier word laaste ingeklits. Smeer die pan net vir die eerste pannekoek,
daarna nie weer nie. Die eerste pannekoek
mag dalk flop vanweë die ekstra olie.

Rol KANEELSUIKER in en drup suurlemoensap oor.

Deel gerus jou gunsteling pannekoek vulsels met ons: